Fil-Ġermanja, aktar minn tletin annimal mietu wara li z-zoo ta’ Krefeld inħakem min nirien qawwija.
L-investigaturi qed jaħsbu li n-nirien seħħew minħabba laterni li ttelgħu llegalment, li ttelgħu minħabba ċ-ċelebrazzjonijet tal-bidu tas-sena l-ġdida.
Intqal kif fil-viċinanzi taz-zoo nstabu tliet laterni.
F’kitba fuq Facebook, it-tmexxija ta’ dan iz-zoo qalet kif din hija waħda mill-agħar affarijiet li kien jaħsbu li se tiġri, sfortunatament ġrat. Qalu wkoll li l-ebda annimal ma salva mill-post fejn jinżamu x-xadini.
Id-Direttur ta’ dan iz-zoo Wolfgang Dreßen qal kif żewġ ximpanzis salvaw u ddeskriva dan bħala miraklu.
