Xeni ta’ ferħ u tfal bi tbissima fuq wiċċhom, dan meta raw lil Mickey u Minnie Mouse flimkien ma’ Father Christmas u l-elves tiegħu jqassmu r-rigali.
Dawn it-tfal bħalissa jinsabu rikoverati ġewwa l-Isptar Mater Dei. Din l-inizjattiva ssir ta’ kull sena, inizjattiva li tkompli tferraħ lit-tfal fejn anke ngħataw rigal.
Il-Banda mill-Għaqda Mużikali Madonna ta’ Lourdes San Ġwann komplew iżidu mal-atmosfera ta’ ferħ permezz ta’ melodiji sinonimi mal-Milied.
