Matul l-aħħar erba’ snin żdied b’mod konsiderovoli l-ammont ta’ impjegati fl-Isptar Mater Dei, dan bil-għan li jiġu offruti servizzi ġodda u tiżdied l-effiċjenza għall-ġid tal-pazjent.
Konsegwenza ta’ hekk diversi problemi li kienu jifnu s-sistema tas-servizzi tas-saħħa mogħtija mill-istat illum huma prattikament ineżistenti.
Il-Kap Eżekuttiv tal-Isptar Mater Dei Ivan Falzon qalilna li kien qed jinħass nuqqas ta’ staff u professjonisti bhal kirurgi u konsulenti.
