F’Diċembru li għadda n-numru ta’ ħaddiema full-time f’pajjiżna żdied b’sitta punt tlieta fil-mija jew b’madwar tlettax elf u tliet mitt persuna meta mqabbel mal-istess xahar ta-sena ta’ qabel.
Dan ħareġ minn ċifri mill-Uffiċju Nazzjonali tal-Istatika, l-NSO.
F’din l-istatistika ħareġ ukoll kif fl-aħħar xahar tas-sena l-oħra kien hemm aktar minn tnax-il elf u mitejn persuna li daħlu jaħdmu full-time fis-settur privat filwaqt li aktar minn elf persuna daħlu jaħdmu full-time fis-settur pubbliku.
