Inħarġet ir-raba’ sejħa tal-Malta Community Chest Fund Foundation għal fondi għal proġetti ta’ għaqdiet volontarji.
Fond ta’ miljun ewro – żieda fuq is-snin ta’ qabel. Flus li jiġu mill-ġabra annwali l-Istrina.
Dawn il-fondi se jitqassmu lil għaqdiet volontarji rreġistrati li japplikaw għal għadd ta’ proġetti soċjali.
Proġetti li jistgħu jolqtu ambiti soċjali differenti. Proġetti żgħar b’għotjiet sa €7,000, proġetti kbar b’għotja sa €30,000 u l-inizjattiva ta’ platform jew network ta’ għaqdiet biex iwettqu proġett flimkien, b’għotja sa €45,000.
