Żagħżugħ imut waqt li kien qed jilgħab logħba futbol ma’ sħabu

Żagħżugħ ta’ 22 sena tilef ħajtu t-Tnejn filgħaxija wara li tah attakk tal-qalb waqt li kien qed jilgħab logħba futbol ma’ sħabu.

Justin Tabone kien qiegħed fil-grawnd tal-futbol fil-Kulleġġ San Alwiġi, meta waqa’ mal-art, u sħabu mill-ewwel ċemplu ambulanza.

Iż-żagħżugħ ingħata l-ewwel għajnuna minn tabib u persuna oħra li kienu qed jilgħabu fl-istess ground, sakemm waslet ambulanza ftit tal-ħin wara.  

Wara din l-aħbar traġika tkellmu ħbieb ta’ Justin, li ddiskrevewh bħala persuna pożittiv u b’qalb tad-deheb.