Żewġt itrabi jsalvaw mill-qilla tat-trombi tar-riħ – tinstab Bibbja maġenbhom

Ġew ippubblikati filmati ta’ operazzjoni ta’ salvataġġ ta’ żewġt itrabi li l-ġimgħa l-oħra nqabdu waqt waħda mill-ħafna trombi tar-riħ li ħakmu l-istat ta’ Kentucky, li ħasdu l-ħajja ta’ sitta u sebgħin persuna filwaqt li mijiet ta’ djar spiċċaw imġarrfa.

Iż-żewġt itrabi tpoġġew minn nannithom ġo banju mgħottija bi gverta u b’bibbja.

It-tromba tajret il-banju għal ġol-ġnien tad-dar madanakollu t-trabi instabu qawwija u sħiħa.