Valdas Martinatius ta’ tmienja u għoxrin sena mill-Litwanja u Kakhber Lomtadze ta’ wieħed u erbgħin sena mill-Ġorġja kienu arrestati s-Sibt wara li numru ta’ residenti rawhom jipprovaw jidħlu f’dar privata. Mal-wasla tal-Pulizija wieħed mill-irġiel qabeż minn xi għoli u sofra xi ġrieħi, tant li kellu jiddaħħal il-Qorti fuq siġġu tar-roti.
Iż-żewġ akkużati ċaħdu l-akkużi miġjuba kontrihom fosthom ta’ ħasil tal-flus. Martinatius kien akkużat ukoll li prova jisraq minn djar f’Pembroke u Birkirara, u tliet akkużi oħra ta’ serq ta’ flus u ġojjelli.
