Żewġt ifrieħ tal-qtates jinstabu f’borża tal-karti f’ġenb ta’ triq f’Għajnsielem

Żewġt ifrieħ tal-qtates instabu mormijja f’ġenb ta’ triq f’Għajnsielem.

Huma nstabu f’borża tal-karti, fejn hu maħsub li għandhom madwar tliet ġimgħat.

Id-Direttorat tal-Ħarsien tal-Annimali f’Għawdex appella biex jekk persuna ma tixtieqx li jkollha aktar qtates, għandhom isewwuhom.

Spjegaw kif hi krudeltà kbira li annimal jgħaddi minn din it-tip ta’ trawma, kawża tal-irresponsabbiltà tal-bniedem.  

Sostnew kif kull min irid l-għajnuna għandu jċempel fuq 79691717.