Żewġ żgħażagħ tressqu l-Qorti mixlija li serqu u għeddu b’sikkina lil tifel ta’ 16-il sena.
Il-każ seħħ fi 22 ta’ April għall-ħabta tad-21:30 ta’ filgħaxija fi Triq San Tumas f’Ħal Tarxien. Quddiem il-Maġistrat Charmain Galea Mohammed Kim ta’ 18-il sena mill-Marokk wieġeb mhux ħati għall-akkużi miġjuba kontrih u baqa’ miżmum taħt arrest.
Intant iż-żagħżugħ ta’ 16-il sena li ma jistax jissemma fuq ordni tal-Qorti, wara li dam jtella’ u jniżżel ammetta li huwa ħati.
Huwa tpoġġa fuq ordni ta’ protezzjoni għal 3 snin.
