Taljana ta’ 63 sena li toqgħod Ħaż-Żabbar ġarrbet ġrieħi gravi, filwaqt li Taljan ta’ 63 sena li joqgħod Ħaż-Żabbar, ġarrab ġrieħi ħfief wara li ħabtu bil-mutur ma’ karozza li kienet qed tinstaq minn ġuvni ta’ 27 sena minn Marsaskala.
L-inċident seħħ għall-ħabta tal-4:30 tas-Sibt waranofsinhar fi Triq Vjal il-Kottonera, il-Fgura.
Fuq il-post issejħet l-assistenza tal-Pulizija u tim mediku li aktar tard ħa lit-Taljani l-isptar Mater Dei għal aktar kura.
L-investigazzjonijiet tal-Pulizija dwar dan il-każ għadhom għaddejjin.
