Aaron Torgalski ta’ 39 sena u Robert McCabe ta’ 32 sena wieġbu mhux ħajta li mbuttaw lil Martin Gugino f’New York l-Amerka.
Il-każ seħħ il-Ħamis li għadda, meta ż-żewġ pulizija mbuttaw lil Gugino, anzjan ta’ 75 sena, waqa’ u beda ħiereġ id-demm minn rasu.
L-anzjan jinsab rikoverat fl-isptar lokali u jinsab f’kundizzjoni stabbli.
Iż-żewġ pulizija kienu ma grupp kbir ta’ pulizija li kienu sejrin sabiex jikkalmaw is-sitwazzjoni mill-protesti li għaddejjin fl-Istati Uniti wara l-qtil ta’ George Floyd.
