Il-Kummissarju tad-Dixxiplina tal-MFA ħabbar is-sospenzjonijiet tiegħu fejn żewġ plejers mill-Kampjonat Premier ġew sospiżi logħba kull wieħed.
Dawn huma Gary Camilleri ta’ Sirens FC u Brandon Paiber ta’ Valletta FC li t-tnejn li huma tkeċċew fil-partita ta’ bejniethom tat-tmiem il-ġimgħa.
REKLAM
SKROLLJA BIEX TKOMPLI
Camilleri ser jitlef il-partita kontra Hamrun Spartans filwaqt li Paiber ser jitlef id-derby kontra Floriana.
Anke t-Team Manager ta’ Valletta FC Gerard Ellul se jitlef il-partita kontra Floriana wara li tkeċċa minfuq il-bank fil-partita kontra Sirens.
Mid-diviżjonijiet l-oħra jispikkaw s-sospenzjonijiet ta’ Santiago Martinez ta’ St. Andrews, Glenn Brincat ta’ Birżebbuġa SP u Nathan Sciberras ta’ Dingli S. li kollha ġew sospiżi tlett logħbiet kull wieħed.
