Żewġ persuni mis-Somalja ta’ 45 u 33 sena mistennija jitressqu l-Qorti wara li ġej arrestati fi Ġnien Spinola f’San Ġiljan.
Il-pulizija tal-Komunità ta’ San Ġiljan kienu għaddejjin b’ronda meta nnutaw żewġ persuni li qed jaġixxu b’mod suspettuż u wieħed minnhom deher jgħaddi basket lill-ieħor.
Il-pulizija avviċinawhom, waqqfuhom u għamlu tfittxija fejn irriżulta li fil-basket kellhom pakketti bid-droga suspettata kokaina u kannabis.
Huma mistennija jitressqu quddiem il-Maġistrat tal-Għassa Natasha Galea Sciberras għall-ħabta tal-11 ta’ filgħodu.
