Wara ħidma mill-Iskwadra ta’ Kontra d-Droga, żewġ persuni ġew arrestati nhar il-Ġimgħa li għadda f’Għawdex wara li nqabdu bil-pussess tad-droga.
L-arrest ta’ raġel ta’ 27 sena minn Nadur Għawdex u mara ta’ 26 sena mix-Xagħra Għawdex sar wara li nstabet ħaxixa tal-kannabis flimkien ma’ pakketti bi trab abjad suspettat droga kokaina lesta biex tiġi traffikata, fl-appartament tagħhom.
Dwar dan il-każ infetħet inkjesta mill-Maġistrat tal-Għassa Monica Vella li ħatret diversi esperti sabiex jassistuha fl-inkjesta Maġisterjali.
L-investigazzjoni tal-Pulizija għadha għaddejja u r-raġel mistenni jitressaq il-Qorti ta’ Għawdex b’arrest illum il-Ħadd, akkużat fost oħrajn b’pussess aggravat tad-droga kokaina u pussess sempliċi tal-ħaxixa tal-kannabis.
