One.com.mt jinsab infurmat li żewġ nisa ttieħdu l-Isptar Ġenerali t’Għawdex wara li baqgħu deħlin ġol-ħajt waqt li kienu qed isuqu l-quad bikes.
Il-Pulizija kkonfermat magħna li l-inċident seħħ għall-ħabta tal-11:00 AM fil-Qala Għawdex, fi Triq l-Isqof Baldassare Cagliares int u nieżel lejn il-bajja ta’ Ħondoq.
Fuq il-post immedjatament waslu żewġ ambulanzi b’tim mediku li ħadu lin-nisa l-isptar għal aktar kura.
Il-kundizzjoni tan-nisa għadha mhix magħrufa.
Aktar informazzjoni fil-ħin li ġej.
