Żewġ nisa jinħelsu mill-arrest wara li ġew mixlija b’importazzjoni tad-droga

Żewġ nisa Somali ta’ 26 u 42 sena ngħataw il-ħelsien mill-arrest hekk kif tressqu l-Qorti mixlija b’importazzjoni ta’ droga.

Fil-Qorti ġie spjegat kif iż-żewġ nisa ġew arrestati wara suspett fuq pakkett minn membri tad-Dwana.

Dan il-pakkett kien indirizzat lejn dar fil-Pieta u ġo fih kien hemm disa’ kilogrammi ta’ ħaxix aħdar, li huwa droga tat-tip khat.

Ġie spjegat kif il-pakkett kien ġej minn Franza.

Iż-żewġ nisa ngħataw il-ħelsien mill-arrest fuq diversi kundizzjonijiet, fosthom depożitu ta’ €4,000 u garanzija personali ta’ €10,000.