Żewġ gwardjani nisa ta’ 41 sena u 51 sena wieġbu mhux ħatja wara li ġew mixlija li lura f’Ġunju kkaġunaw il-mewt ta’ Kimberly Borg Nicholas Virtu wara li neħħiet ħajjitha b’idejha fil-Faċilità Korrettiva ta’ Kordin.
Iż-żewġ nisa, li tressqu permezz ta’ ċitazzjoni, tressqu l-Qorti wara li inkjesta Maġisterjali sabet li ż-żewġ gwardjani tal-ħabs naqsu milli jimxu mal-protokolli u wasslu għall-mewt tal-priġuniera.
REKLAM
SKROLLJA BIEX TKOMPLI
L-Ispettur Paul Camilleri xehed kif dakinhar tal-każ hu mar minnufih jagħti s-CPR fuq il-vittma li kienet mitlufa minn sensiha fejn ittieħdet l-Isptar Mater Dei fejn tilfet ħajjitha ftit jiem wara.
Il-każ mistenni jkompli fil-bidu tas-sena d-dieħla.
