Żewġ baħħara kellhom bżonn l-għajnuna tal-Forzi Armati ta’ Malta bejn ilbieraħ u llum.
Wara nofsinhar tal-bieraħ daħlet sejħa għall-għajnuna minn dgħajsa tas-sajd barranija li kienet tinsab 50 mil nawtiku bogħod mill-kosta Maltija. Raġel Tuneżin b’uġigħ qawwi f’sidru ttieħed l-isptar Mater Dei b’ambulanza.
F’każ ieħor li seħħ kmieni dalgħodu, baħħar Libjan li kien f’diffikultajiet mediċi minħabba għejja u tlef ta’ demm ittieħed l-isptar b’ambulanza.
