Erba persuni weġġgħu serjament f’żewġ attakki b’sikkina fi Vjenna l-Erbgħa filgħaxija. Il-pulizija qed tgħid li għadu mhux magħruf x’wassal għal dawn l-attakki u jekk kienx hemm rabta bejniethom.
L-ewwel attakk seħħ fit-tmienja neqsin kwart fit-Tieni Distrett, fejn intqal li raġel attakka missier, omm u tfajla ta’ sbatax-il sena b’sikkina.
Nofs siegħa wara seħħ it-tieni attakk f’Praterstern, b’persuna oħra tkun attakkata. Il-pulizija għadha ma taf xejn fuq l-aggressur, filwaqt li raġel mill-Afganistan kien arrestat iktar tard b’rabta mat-tieni attakk.
