Żewġ anzjani mietu waqt li kienu pożittivi għall-Covid-19. Dan qalu fi stqarrija l-Ministeru għas-Saħħa.
Fl-ewwel każ, anzjana ta’ 79 sena, li kienet ikkonfermata pożittiva għall-Covid-19 fis-7 ta’ Novembru, mietet aktar kmieni llum f’Casa Pinto Ħal Qormi.
Fit-tieni każ anzjana ta’ 88 sena, li rriżultat pożittiva għall-Covid-19 fit-8 ta’ Novembru, mietet aktar kmieni llum fl-Isptar Mater Dei.
Il-Ministeru għas-Saħħa, ta l-kondoljanzi lill-qraba u appella biex kulħadd isegwi l-miżuri ta’ prevenzjoni.
