Żejtun Laċċi rebħu l-kampjonat 5-a-side tad-darts meta f’finali ferm emozzjonanti li ntlagħbet fil-Birgu Boċċi Club għelbu lil Floriana Ajax Premier Cars 3-2.
Wara li Floriana marru minn fuq, iż-Żwieten kienu pronti wettqu reazzjoni sabiex mhux biss ġabu l-iskor indaqs iżda saħansitra marru fil-vantaġġ. Ir-raba’ game ġiet mirbuħa mill-Greens li b’hekk għamlu l-iskor indaqs għalkemm fil-logħba deċiżiva, Albert Scerri għeleb lil Anthony Borg sabiex għen lit-tim tiegħu jirbaħ din il-finali.
Fi tmiem il-konfront, il-president tal-MDA Tony Demanuele ippreżenta t-tazza lill-plejer ta’ Żejtun Laċċi Enrico Scerri.
Riżultati:
Tony Borg – Stephen Tagliaferro 3-2
Eucharist Baldacchino – Kersten Aquilina 2-3
John Agius – Enrico Scerri 1-3
Omar Aquilina – Mario Farrugia 3-0
Anthony Borg – Albert Scerri 0-3
L-ogħla Skor: 180 minn Enrico Scerri, Omar Aquilina u Anthony Borg.
