Zalzett bil-velenu għall-klieb fil-Park tal-Majjistral

Bejn ilbieraħ u llum, persuna li żaret il-Park tal-Majjistral waqt mixja mal-kelb tagħha, innutat ammont kbir ta’ zalzett bil-velenu tal-bebbux.

Dawn aktarx ġew impoġġija il-Ġimgħa filgħaxija jew is-Sibt filgħodu.

Ir-Ranger Unit ħeġġet lis-sidien tal-klieb sabiex joqogħdu b’seba’ għajnejn, filwaqt li ħeġġet lill-pubbliku biex jirrapurtaw xi suspetti li jistgħu jkollhom.

Dan it-tip ta’ velenu jagħmel ħafna ħsara u jista’ jkun fatali faċilment, mhux biss għall-klieb, iżda anke annimali oħra.

Dan il-każ se jiġi rrapurtat lill-għassa tal-Mellieħa u t-taqsima ambjentali fi ħdan il-Korp tal-Pulizija.

Każijiet simili kien rrapurtati fl-2021 u anke fl-2020.