Tristan Carter ta’ 25 sena li jgħix il-Fgura nżamm arrestat wara li tressaq il-Qorti mixli li allegatament kien qiegħed jittraffika d-droga kokaina u kannabis.
Fil-Qorti, il-Prosekuzzjoni spjegat li l-Erbgħa li għadda, l-akkużat kien qiegħed isuq vettura u twaqqaf minn uffiċċjali tal-LESA.
REKLAM
SKROLLJA BIEX TKOMPLI
Intqal li l-akkużat allegatament qalhom biex jinfurmawx lill-Pulizija għaliex kellu xi ħaġa fil-karozza.
Ġie spjegat li l-Pulizija ġiet infurmata u għamlet tfittxijiet fil-karozza u anki f’daru, fejn fiż-żewġ istanzi allegatament instabet id-droga, mhux għall-użu personali.
Id-Difiża ma talbitx għall-ħelsien mill-arrest, waqt li l-imputat wieġeb mhux ħati għall-akkużi miġjuba kontrih.
