Lamin Sillah ta’ tlieta u għoxrin sena ġie ikkundannat erbatax-il xahar ħabs wara li ammetta fil-Qorti li nqabad b’ħamsa u erbgħin pakkett bil-ħaxixa tal-kannabis.
Iż-żagħżugħ mill-Gambja ġie arrestat mil-Pulizija mill-Iskwadra ta’ Kontra Droga, wara li rċeviet tagħrif li fl-inħawi magħrufa bħala ta’ Fra Ben kien hemm persuna suspettata li kienet fil-pussess tad-droga, li kienet se tinbiegħ.
Fil-Qorti, quddiem il-Maġistrat Claire Stafrace Zammit intqal li wara ħin t’osservazzjoni, il-pulizija arrestat liż-żagħżugħ u nstabet id-droga fuqu.
