Żagħżugħ t’għoxrin sena minn Ħaż-Żabbar weġġa’ gravi f’inċident li seħħ f’sit ta’ kostruzzjoni fi Triq Danny Cremona fil-Ħamrun.
L-inċident seħħ għall-ħabta tal-għaxra u għoxrin ta’ filgħodu meta ż-żagħżugħ intlaqat minn ġebla li waqgħet fuqu u waqa’ ġo xaft.
Huwa ngħata l-għajnuna minn tim mediku fuq il-post u ttieħed l-Isptar Mater Dei b’ambulanza fejn ġie ċċertifikat li weġġa’ gravi.
L-investigazzjonijiet tal-Pulizija dwar dawn il-każ għadhom għaddejjin.
