Sirjan ta’ tmintax-il sena li jgħix il-Fgura, weġġa’ serjament f’inċident tat-traffiku li seħħ it-Tlieta filgħaxija għall-ħabta tad-disgħa fi Triq il-Kbira San Ġużepp, il-Ħamrun.
REKLAM
SKROLLJA BIEX TKOMPLI
Jirriżulta li ż-żagħżugħ intlaqat minn karozza li kienet qed tinstaq minn raġel ta’ erbgħa u għoxrin sena mill-Imsida.
Il-vittma ngħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li weġġa’ serjament.
Dwar il-każ inħatret inkjesta Maġisterjali u l-investigazzjonijiet tal-Pulizija għadhom għaddejjin.
