Żagħżugħ ta’ 16-il sena li jgħix in-Naxxar weġġa’ gravi wara li ntlaqat minn karozza fil-Mosta.
L-inċident seħħ ilbieraħ għall-ħabta tat-tlieta ta’ waranofsinhar fi Triq is-Sgħajtar kantuniera ma’ Triq Indri Bezzina.
REKLAM
SKROLLJA BIEX TKOMPLI
Fuq il-post marru l-Pulizija li mill-ewwel stħarriġ irriżulta li ż-żagħżugħ intlaqat minn karozza, li kienet misjuqa minn raġel ta’ 26 sena li jgħix in-Naxxar.
Iż-żagħżugħ ingħata l-għajnuna minn tim mediku u ttieħed l-Isptar Mater Dei.
L-investigazzjonijiet tal-Pulizija għadhom għaddejjin.
