Żagħżugħ ta’ tmintax-il sena minn Għajnsielem weġġa’ gravi f’inċident li seħħ ilbieraħ filgħaxija, għall-ħabta tad-disgħa neqsin kwart, fi Triq Borg Għarib f’Għajnsielem Għawdex.
Jirriżulta li ż-żagħżugħ tilef il-kontroll tal-vettura li kien qed isuq u ħabat ma’ ħajt kif ukoll ma’ tliet vetturi li kienu pparkjati.
REKLAM
SKROLLJA BIEX TKOMPLI
Il-vittma ngħata l-għajnuna minn tim mediku u ttieħed l-Isptar Ġenerali ta’ Għawdex b’ambulanza, fejn ġie ċċertifikat li weġġa’ gravi.
Il-Pulizija għaddejja bl-investigazzjonijiet dwar il-każ.
