Zabbar SP komplew jikkonvinċu u wara r-rebħa ta’ 2-1 konta Balzan, kisbu t-tieni rebħa konsekuttiva meta għelbu lil Naxxar Lions bl-iskor konvinċenti ta’ 3-0.
Kienu Zabbar li ħolqu l-ewwel periklu fil-11-il minuta meta Joao Pedro kellu xutt salvat tajjeb mill-goalkepeer ta’ Naxxar, Matthias Debono.
Naxxar wieġbu żewġ minuti biss wara meta wara li rċieva minn corner ta’ Neil Pace Cocks, Barbosa bir-ras għadda tajjeb lejn Neil Micallef li kellu daqqa ta’ ras oħra tistampa mal-wieqfa, b’Zabbar jeħilsuha ħafif.
Zabbar reġgħu ħolqu l-periklu fis-16-il minuta permezz ta’ xutt b’saħħtu minn barra l-kaxxa ta’ Brian Gambarte li għadda ftit għoli.
L-azzjoni sussegwenti waslet biss fit-42 minuta b’Zabbar jiftħu l-iskor permezz ta’ xutt il-ġmiel tiegħu mid-distanza ta’ BRIAN GAMBARTE li ma ta l-ebda ċans lil Debono.
Fit-53 minuta Zabbar rebħu penalty meta Fernando Barbosa waqqa’ lil Stefan Ilic fil-kaxxa. Mill-11-il metru inkariga ruħu BRIAN GAMBARTE li permezz ta’ xutt fil-baxx tefa’ l-ballun fir-rokna tax-xibka, biex b’hekk irreġistra doppjetta personali.
Huma komplew jiddettaw il-logħob u fl-64 minuta kellhom f’saqajhom il-ballun tat-tielet goal meta Brian Gambarte għadda tajjeb lejn Marcelo Barros Santos li wick imb’wiċċ ma’ Debono ra lil dan tal-aħħar isalva f’corner bi bravura.
Naxxar wieġbu żewġ minuti biss wara permezz ta’ xutt sabiħ minn barra l-kaxxa ta’ Takuma Yamaguchi li għadda ftit għoli.
U f’azzjoni maħduma bizzilla, huma ssiġillaw ir-rebħa permezz tat-tielet goal meta wara li rċieva minn minn pass mix-xellug , AUGUSTO MARTIM FERREIRA minn pożizzjoni ideali tefa’ ġewwa.
Naxxar wieġbu fil-ħin miżjud meta freekick insidjuż ta’ Gustavo Barbos Santos għadda ftit barra.
Zabbar SP komplew jamministraw il-vantaġġ komdu li kellhom sa tmiem il-partita.
Refereee: Trustin Farrugia Cann
Plejer tal-Logħba: Brian Gambarte (Zabbar SP)
