Mara Amerikana minn North Carolina għamlet appell online wara li r-raġel tagħha ta bħala donazzjoni l-libsa tat-tieġ tagħha.
Dan għamlu bi żball, meta mar għand l-organizazzjoni tal-karità Goodwill b’numru ta’ boroż u bi żball qabad il-libsa li kienet lesta f’borża wkoll biex tmur għand id-dry cleaners.
Issa, Natalie Gelbert qed tipprova ssibha billi tappella fuq Facebook, liema appell dar dawra d-dinja u kien imxerred aktar minn 27,000 darba. Il-libsa xtraha xi ħadd għas-somma miżera ta’ $25, meta l-koppja għadha qed tħallas għaliha bin-nifs wara 18-il xahar.
Il-libsa kienet desritta bħala sentimentali ħafna u xi ħaġa li ħadd ma jista’ jsib ekwivalenti tagħha għal din il-koppja.
