Meta r-Reġina Eliżabetta II mietet il-Ħamis li għadda fl-età ta’ 96 sena, mhux talli ħalliet warajha lin-nazzjon u l-qraba tagħha, imma ħalliet warajha lill-klieb tagħha.
Matul ħajjitha, ta’ spiss kienet tinqabad f’ritratti flimkien mal-klieb tagħha tar-razza Corgi, iduru ma’ saqajha – razza tal-klieb sinonima mar-Reġina.
Iżda fil-waqt li smajna ħafna dwar kull dettall dwar x’qed jiġri wara mewtha, ftit li xejn smajna dwar x’ser jiġri mill-erbat iklieb li kellha ir-Reġina.
Hi kellha żewġt iklieb tar-razza Pembroke Welsh Corgis, bl-ismijiet ta’ Muick u Sandy, kif ukoll kelba tar-razza Dorgi bl-isem ta’ Candy u l-aħħar kelba li ngħaqdet mat-tim tar-Reġina kienet tar-razza Cocker Spaniel bl-isem ta’ Lissy lura f’Jannar.
S’issa, minkejja li ma hemm ebda konferma ta’ x’ser jiġri mill-klieb tar-Reġina, Joe Little editur maniġerjali tar-rivista Majesty, qal lis-CNN li jemmen li l-klieb se jkunu qed jingħataw dak kollu li għandhom bżonn mit-tim Irjali, dan sakemm jiġu adottati mill-Prinċipessa Anne u iben ir-Reġina, il-Prinċep Andrew.
Dan hekk kif l-aħħar żewġt iklieb li ngħataw lir-Reġina, kien id-Duke ta’ York stess flimkien ma’ uliedu li tahom lil ommu u għalekk iċ-ċans huwa li jkun hu li jadottahom.
Ritratt: Annie Leibovitz
