L-2025, li għadna kif bdejna hi mistennija li se jkollha numru avvenimenti li se jiddominaw u jikkaratterizzaw din is-sena.
Wieħed ma jistax jibda mingħajr ma jsemmi lil Donald Trump u kif hu, fl-20 ta’ Jannar li ġej se jinħatar uffiċjalment mill-ġdid jinħatar President tal-Istati Uniti. Din l-ħatra qed tiġi antiċipata mmens, hekk kif Trump rebaħ l-elezzjoni Presidenzjali tal-ħamsa ta’ Novembru tas-sena l-oħra. Hawnhekk Donald Trump rebaħ l-kandidata Kamala Harris u matul il-kampanja elettorali, kien wiegħed numru ta’ affarijiet li se jiffoka ħidmietu fuqhom. Fost dawn wieħed isib l-immaniġġjar tal-immigrazzjoni, kif ukoll it-tnaqqis tal-inflazzjoni. Sadanittant, l-aktar miżura b’saħħitha tkun dik tat-twaqqif tal-gwerer madwar id-dinja, bl-istess messaġġ li kellu fil-Presidenza preċedenti “Make America Great Again”.
Mix-xena internazzjonali wkoll, hu fatt magħruf li l-elezzjoni Ġermaniża se tiġi diskussa internazzjonalment. Din l-elezzjoni bikrija se ssir nhar it-tlieta u għoxrin ta’ Frar wara li Olaf Scholz tilef vot ta’ fiduċja f’Diċembru tas-sena li għadha kif intemmet.
Waqt il-messaġġ tas-sena l-ġdida, il-Kanċillier Olaf Scholz ddikjara li issa huwa l-poplu li jrid jiddeċiedi liema triq se jkun qed jieħu dan l-akbar pajjiż fl-Unjoni Ewropea.
Din is-sena se jsiru l-elezzjonijiet lokali fl-Italja u fir-Renju Unit, li se jkunu importanti għall-Gvernijiet tal-pajjiż kemm ta’ Giorgia Meloni u anki Sir Keir Starmer, rispettivament. Dan filwaqt li fil-Kanada, Justin Tradeau qed ifittex li jikseb ir-raba’ mandat konsekuttiv tiegħu.
Lokalment, avveniment li żgur se jħalli impatt kbir fuq pajjiżna u l-politika lokali hu dak tal-Presidenza tal-Kunsill tal-Ewropa. B’Malta se tieħu dan ir-rwol fl-14 ta’ Mejju u nofs Novembru li ġej. Il-Kunsill tal-Ewropa hemm fi ħdanha sitt u erbgħin stat membru u tħaddan il-prinċipji tad-demokrazija u d-drittijiet tal-bniedem, fost l-oħrajn.
Mix-xena lokali wkoll, se jkun hemm tnaqqis fit-taxxi għall-ħaddiema kollha f’pajjiżna, b’żieda fiċ-Children’s Allowance u l-pensjonijiet, fost oħrajn – hekk kif imħabbar fil-baġit għal din is-sena, li tħabbar fl-aħħar ta’ Ottubru li għadda.
Matul din is-sena wkoll, il-Gvern Malti se jippreżenta r-riforma tant importanti l-Labour Migration Policy. Dwar din, fil-messaġġ tiegħu għall-bidu tas-sena l-ġdida, il-Prim Ministru Robert Abela qal li fil-jiem li ġejjin, il-Gvern se jindirizza din l-isfida, fejn filwaqt li trid tinżamm l-ekonomija għaddejja, din ma tiġix bi prezz.
Ħidma oħra mill-Gvern tal-Prim Ministru Robert Abela hi dik sabiex f’konsultazzjoni wiesgħa ssir l-istrateġija importanti tal-Malta Viżjoni 2050. Viżjoni li se twassal lil pajjiżna ’l quddiem għal ħamsa u għoxrin sena oħra, b’miri intermedjarji għal għaxar snin oħra, l-2035.
Mix-xena sportiva, is-sena 2025 għandha bosta x’toffri. Mill-ewwel tiġrija mat-tim ta’ Ferrari għal Lewis Hamilton (PIC), għall-Kampjonat Ewropew tan-Nisa li se jsir fl-Iżvizzera. Minn tazza kontinentali ġdida fil-futbol dinji tal-irġiel permezz tal-Club World Cup, għat-tazza tal-African Cup of Nations.
Il-mistoqsija tibqa’ jekk Jannik Sinner hux se jibqa’ n-numru wieħed fid-dinja tat-tennism jekk Ronnie O’Sullivan jiflaħx jerbaħ titlu ieħor biex jaqbeż ir-rekord ta’ seba’ titli dinjin tal-isnooker ta’ Stephen Hendry, u jekk iż-żagħżugħ Luke Littler huwiex kapaċi jsir il-player numru wieħed fid-dinja tad-darts.
Il-lista għall-avvenimenti sportivi u narrattivi ġodda fl-isport hu bla limitu; u din is-sena, se terġa’ tkun sena sportiva li żgur mhux se tiddiżappunta.
