- X’se jagħmel Simon Busuttil fil-konfront tal-kandidat Nazzjonalista George Pullicino wara li ġie żvelat li gideb quddiem il-Public Accounts Committee dwar kif sar it-tendering process tal-power station tal-BWSC?
- Simon Busuttil kien jaf b’dak li kien għaddej?
Dawn huma żewġ mistoqsijiet li għamel il-Partit Laburista lil Simon Busuttil waqt konferenza tal-aħbarijiet li spjegat kif il-Partit Nazzjonalista biegħ saħħitna għal €20 miljun.
Il-Ministru għas-saħħa Chris Fearne qal li m’hemm ebda dubju li l-arja li nieħdu u mard respiratorju huma relatati, fil-fatt l-istatistika turi kif iċ-ċittadini tan-naħa ta’ isfel ta’ Malta qabel il-qalba għall-gass kellhom rata ogħla ta’ mard respiratorju minħabba l-powerstations li kienu jaħdmu bil-heavy fuel oil.
Iżda Fearne spjega li dan ma kien ta’ ebda interess għal Simon Busuttil, George Pullicino u l-Partit Nazzjonalista meta kienet qed tiġi aġġudikata tender tal-powestation il-ġdida f’Dellimara. Dan hekk kif l-eks Ministru u deputat parlamentari tal-Partit Nazzjonalista George Pullicino ddeċieda li l-liġijiet tat-tniġġis tal-arja f’Malta jinbidlu minn lejl għan-nhar sabiex il-BWSC tkun tista’ tirbaħ il-kuntratt tal-power station tal-heavy fuel oil f’Delimara. Għalhekk, Pullicino injora għall-kollox lill-esperti biex din il-bida fil-liġi ma ssirx.
Mill-evidenza, spjega Fearne, jidher biċ-ċar li George Pullicino ntalab ibbiddel il-liġi mill-BWSC biex tiġi aġġevolata b’detriment għas-saħħa taċ-ċittadini u meta fl-2011 instema l-każ quddiem il-PAC, id-Direttur tal-BWSC Martin Kok Jensen qal ċar u tond li qatt m’għamel kuntatt m’esponenti tal-Gvern iżda l-ittra ippublikata il-Ħadd li għadda turi mod ieħor. Għalhekk, “dan kollu juri li Simon Busuttil u l-Partit Nazzjonalista minkejja li jridu jilgħabuha tal-paladini tal-ambjent u s-saħħa hu stess għamel miżuri b’mod qarrieq biex il-poplu tagħna għal snin twal isofri minn dan it-tniġġis.”
Il-kandidat Laburista Jeffrey Pullicino Orlando li dak iż-żmien kien jifforma parti fil-grupp parlamentari ta’ Gvern Nazzjonalista, jiġifieri bejn l-2008-2013 qal li dak li ġie ppubblikat fil-gazzetta Kullħadd qanqal rabja kbira bejn il-membri parlamentari ta’ dak iż-żmien.
Jeffrey sostna li George Pullicino mhux biss gideb liċ-ċittadini kollha iżda saħansitra gideb lill-Membri parlamentari ta’ dak iż-żmien. Żmien li fih anke l-membri parlamentari stess kellhom numru ta’ mistoqsijiet ta’ kif kien inħareġ l-avviż legali f’nofs dan il-proċess, avviż li ħareġ fl-4 ta’ Jannar fi żmien li n-nies ikunu iffokati fuq il-btajjel.
“Aħna saqsejna għalfejn ħareġ il-legal notice, biex minflok għollejna l-istandards tal-ambjent aċċettajna 4000 tunnellata ta’ trab iswed kull sena. George Pullicino gidbilna u qal li kien għamel dan biex Malta tkun bħal pajjiżi oħra u konfromi ma istruzzjonijiet Ewropej. Iżda dan mhux minnu, saħanistra persuni mill-kabinett lanqas ġew informati b’dan l-avviż legali. Dan juri biċ-ċar li għamel dan biex tiġi aġġevolata l-BWSC u biex infaqna €20 miljun aktar għal powerstation li tniġġes.
Il-provi li ħarġu iswed fuq l-abjad li bħala ministru, mar kontra l-pariri bil-miktub tal-esperti, u biddel il-liġi tal-ambjent biex il-BWSC ikunu jistgħu jitfgħu t-tender għal power station u jirbħu dan it-tender. Iżda din il-karta kienet sparixxiet mill-files li fi zmien il-gvern li kien jagħmel parti minnu Simon Busuttil, marru għand l-Awditur Ġenerali għall-investigazzjoni. Kien intqal li kien hemm duħħan izda ma instabx in-nar. Xi ħadd kellu interess li din il-karta titneħħa. Issa li din instabet, il-Prim Ministru Joseph Muscat ħabbar se jkun qed jibgħatha għall-attenzjoni tal-Awditur Ġenerali biex jerġa’ jiftaħ l-
investigazzjoni.
Għalhekk, il-kandidat Laburista temm jgħid li huwa lest li jtella l-membri parlamentari kollha ta’ dak iż-żmien biex jixhdu li George Pullicino gidbilhom biex it-tender tintrebaħ mill-BWSC. Huwa qal li jiskanta kif Simon Busuttil ma nsistiex immedjatament biex tal-anqas George Pullicino jwaqqa’ l-kandidaturi tiegħu u minflok iddeskriva din il-powerstation bħala “magna tal-Ferrari.”
Id-dokumenti juru li juru kif direttament wara din id-deċiżjoni kien hemm Simon Busuttil li gideb meta qal li ma kellux kuntatti diretti ma’ protagonist ewlieni meta l-każ deher quddiem il-PAC u għalhekk Jeffrey Pullicino Orlando talab lil Simon Busuttil jagħti spjegazzjoni.
