Vjaġġ minn Barcelona għal Pariġi jiswa ftit mijiet ta’ Ewro, iżda dak ta’ Neymar se jiswa miljuni kbar.
Il-plejer Brażiljan baqa’ jiddomina l-aħbarijiet internazzjonali wara li l-Franċiżi ta’ Paris St Germain qablu li għalih iħallsu mitejn, tnejn u għoxrin miljun ewro.
It-trasferiment qajjem diskussjoni kbira fil-qasam sportiv. Kien hemm min qal dawn il-ħlasijiet ifissru t-tmiem tal-futbol, oħrajn jargumentaw bil-kontra u jgħidu li dan hu l-ikbar xhieda ta’ kemm hi ħajja l-logħba tal-ballun.
Segwi l-filmat t’hawn isfel u ara x’qalu dwar Neymar.
