Fuq il-midja soċjali tiegħu, l-personalita’ Ivan Gaffiero kiteb li l-ewwel ta’ Ottubru jfakkru fl-anniversarju taż-żwieġ tiegħu.
Huwa saħaq: ”Kien fl-1 ta’ Ottubru tal-1994 meta kont ferħan għax ser niżżewweġ, li ser nippjana għall-familja, fuq l-artal ser ngħid il-kliem li nibqgħu flimkien fit-tajjeb u fil-ħażin, fil-mard u fis-saħħa… imma d-destin kien mod ieħor. Illum, kieku nagħlaq 28 sena miżżewweġ ma’ marti Rita. Għalkemm iż-żwieġ tagħna dam 14-il sena, inħossni kuntent li għalkemm batejna dan kollu u d-destin kien differenti, illum kuntent xorta li nissejjaħ missier u xorta bqajt nirrispetta lil ex-marti. Dejjem ngħid lil kull min ikun qed jinfired, biex jibqa’ b’kuntatt tajjeb ma’ l-ex-mara jew l-ex-raġel, għax hekk ma jbatux it-tfal.”
