L-imħabba lejn il-patruna titulari tan-Naxxar, Marija Bambina, wasslet biex il-Każin tal-Banda Peace għamel replika tal-istatwa titulari li fil-Ġimgħa tal-festa kullħadd se jkun jista’ jgawdi wara li tinħareġ mal-banda u tittella’ fil-gallerija tal-Każin. Din l-istatwa xogħol l-iskultur Sean Saliba, li ġiet inawgurata fl-elfejn u ħmistax issa ġiet indurata bid-deheb u sarilha x-xogħol ta’ sgraffir, jiġifieri d-disinn minqux fl-istatwa innifisha.
Tkellimna mal-Viċi President tal-Kumitat tal-Banda Peace, Edward Azzopardi, li għamel ukoll lis-sgraffir fuq l-istatwa.
