Fl-Imqabba nhar il-Ħadd 23 t’Ottubru 2016 ser tagħmel ix-xita…xita ta’ ravjul ħelu moqli! Dan waqt it-tieni edizzjoni ta’ Festa Ravjul, li ser tittella’ bejn il-11 ta’ filgħodu u l-5 ta’ waranofsinhar. Din qed tkun organizzata mill-Kunsill Lokali ta’ l-Imqabba bil-kollaborazzjoni ta’ 2 Minds Events.
Dawk preżenti ser jieklu ikla ravjul mal-ħbieb fil-pjazza tal-lokal u dan waqt li jkun għaddej divertiment bis-sehem ta’ kantanti u personalitajiet stabbiliti. Bħas-sena li għaddiet, ser ikun hemm tliet tipi ta’ ravjul u tliet zlazi differenti.
Ser ikun hemm ukoll kids area, diversi stalls tal-artiġġjanat Malti u l-bank tad-demm.
L-attività tilħaq il-qofol tagħha fit-3 ta’ waranofsinhar, b’xita ta’ ravjul ħelu moqli minn fuq il-każini tal-baned li jinsabu fil-pjazza tal-Imqabba. Kif wieħed jista’ jimmaġina, t-tfiegħ tar-ravjul joħloq spettaklu u jintlaqa’ tajjeb minn kulħadd – mit-tfal sal-kbar, li min-naħa tagħhom anke jikkompetu dwar min ser jaqbad l-aktar boroż mimlijin ravjul ħelu!
Ir-ravjul ħelu tal-Imqabba huwa magħmul fuq riċetta tal-Imqabbi Jonathan Zammit u huwa mimli b’irkotta ħelwa mħallta mal-ġulepp tar-rummien.
L-attività tas-sena l-oħra kienet irrapportata minn One News, kif tista’ tara hawn:
