Hekk kif it-Tnejn 30 t’Ottubru, l-Gvern Malti jressaq il-baġit għas-sena d-dieħla, ONE se jkun qed ixandar xandiriet speċjali rabta ma’ dan. Għaldaqstant f’dawn il-jiem, ONE se jkun qed ibidel xi ftit l-iskedi tiegħu sabiex jagħti servizz ta’ informazzjoni lis-segwaċi.
It-Tnejn wara nofsinhar mhux ser jixxandar il-programm Indigo, hekk kif fl-4pm se tibda edizzjoni speċjali ta’ PJAZZA. Waqt dan il-program speċjali se jkunu qed jitwasslu diversi filmati dirett dwar dak li jkun għaddej bi preparazzjoni għal qari tal-baġit 2024.
Għal ħin tas-6:30pm, ONE jingħaqad b’mod dirett mal-Parlament fejn insegwu lill-Ministru tal-Finanzi l-Onor. Clyde Caruana jaqra l-baġit għall-2024. Fi tmiem ta’ dan il-qari, il-ġurnalisti ta’ ONE, iwasslulna l-bulettin prinċipali ta’ ONE NEWS fejn matulu ningħaqdu b’mod dirett għall-KONFERENZA TAL-AĦBARIJIET. Ix-xandiriet speċjali, t-Tnejn 30 t’Ottubru jintemmu bi PROGRAMM SPEĊJALI ta’ diskussjoni u analiżi dwar dak li jkun tħabbar.
Minħabba dawn ix-xandiriet speċjali, l-programm popolari MALTA’S ULTIMATE TATTOO CHALLENGE tat-Tnejn filgħaxija, mhux ser jixxandar fil-ħin normali tiegħu, iżda għal din il-ġimgħa biss, il-programm ser jixxandar it-Tlieta 31 t’Ottubru fl-10pm b’edizzjoni speċjali u differenti tal-Halloween.
F’dawn il-jiem, ONE jibqa’ jwassal servizz dwar il-baġit lis-segwaċi, bi programm speċjali ta’ AWLA t-Tlieta fit-8:35pm u bi programm speċjali ta’ diskussjoni dwar il-baġit, l-Erbgħa fit-8:35pm
