ONE se jkun qed iżomm u jaġġorna lis-segwaċi tiegħu matul il-ġurnata ta’ jum il-votazzjoni tat-8 ta’ Ġunju 2024. B’edizzjoni speċjali ta’ ONE BREAKFAST, ix-xandiriet speċjali jibdew ma’ sbieħ is-Sibt filgħodu mis-6:30am ‘il quddiem. Tul din il-ġurnata, kull siegħa se jkun qed jitwassal aġġornament speċjali ta’ ONE NEWS apparti aġġornamenti u aħbarijiet oħra li jkunu qed jitwasslu mal-jum, infatti l-krew ta’ ONE se jkun qed iżur diversi lokalitajiet minn fejn se jkun qed iwassal b’mod dirett l-aħħar aħbarijiet.
L-edizzjoni speċjali ta’ ONE BREAKFAST se twassalna sal-10:30am fejn umbgħad minn hemm ‘il quddiem jibda programm maratona f’Jum il-Votazzjoni ma’ diversi preżentaturi u diversi mistiedna li se jingħaqdu biex iwasslu informazzjoni u diskursati differenti. Dan il-programm iwassalna sal-ħin li tintemm il-votazzjoni, jiġifieri sal-10pm.
Minn hemm umbgħad tibda xandira speċjali li twassalna sal-Ħadd b’aġġornamenti kontinwi ta’ dak li jkun għaddej; bl-għeluq tal-votazzjoni, l-wasla tal-kaxxi fis-sala tal-għadd tal-voti, l-andament fin-Naxxar, l-għadd tal-voti u r-riżultati.
Aġġornamenti kontinwi jkunu qed jitwasslu ukoll fuq ONE Radio 92.7fm u s-sit one.com.mt
