Fis-7 ta’ filgħodu f’jum il-Ġimgħa l-Kbira ser tixxandar musical dwar il-ħajja ta’ San Gejtanu, filwaqt li mill-10am ‘l quddiem ONE jingħaqad mal-istazzjonijiet lokali l-oħra sabiex jinġabru flus b’risq Puttinu. Fit-3pm, il-funzjoni tal-addorazzjoni tas-Salib u l-Purċissjoni tal-Ġimgħa l-Kbira tixxandar mill-Knisja Arċipretali ta’ San Ġorġ f’Ħal Qormi. Wara l-bulettin ta’ ONE News, qabel titkompla l-maratona ta’ Puttinu, ser tixxandar edizzjoni speċjali ta’ Country Gospel
F’Sibt il-Għid, ser jitwasslu numru ta’ rappreżentazzjonijiet u xandiriet relatati ma’ dawn iż-żminijiet. Mis-6:45am sat-8:30am – Lux Aeterna – ikomplu jlaqqawna ma’ diversi personaġġi fosthom : Ġesu’ fuq il-Muntanja Klawdja, Longinus, Pilatu, Marija Magdala, Pietru, Veronika, Kajfa u Gwanni. Fid-9:30am – Ġesu’: Il-Film għal familji u t-tfal fejn naraw l-istorja ta’ Ġesu’ mill-għajnejn tat-tfal li setgħu għexu fi żmien Ġesu’. Fil-10:45am – Int fejn Sejjer? Din il-musical hija l-ħajja ta’ San Franġsik ta’ Assisi u dawn iż-żgħażagħ ħadmu għax irridu jwasslu messaġġ f’dan iż-żmien ta’ qabel l-Għid. Fin-12:35pm – It-triq tas-Salvazzjoni filwaqt li fl-4pm – Kunċert ta’ Mużika Sagra mill-Għaqda Mużikali Banda Queen Victoria. Fit-8pm – Xandira Diretta minn Dar San Ġużepp, Santa Venera għal quddiesa ta’ Sibt il-Għid ma’ Fr.Louis Mallia u Fr. Clinton Farrugia
Nhar Ħadd il-Għid, fit-7:45am – Lux Aeterna ser ilaqqawna mal-Qawmien sabiex fit-8am xandira diretta minn Dar San Guzepp, Santa Venera għal quddiesa ta’ Ħadd il-Għid ma’ Fr.Louis Mallia u Fr. Clinton Farrugia. Fid-9am – Xandira Diretta minn Ħal Qormi għall-Iroxt u għal ħin ta’ nofsinhar, ningħaqdu mal-Vatikan, għall-Barka tal-Għid mill-Qdusija Tiegħu l-Papa Franġisku
