Xandira speċjali fuq ONE fil-jum tal-ġurament tal-ħatra tal-11-il President ta’ Malta 

Illum l-istazzjon ONE se jxandar programm speċjali dwar il-ħatra ta’ Myriam Spiteri Debono bħala l-ħdax-il President tar-Repubblika. 

Dan il-programm se jibda għall-ħabta tat-tmienja u nofs ta’ filgħodu, se jkun ippreżentat minn Antoinette Falzon u bi produzzjoni tal-Kamra tal-Aħbarijiet ta’ ONE.  

Tul dan il-programm se jkun hemm bosta mistiedna, flimkien ma’ intervisti ma’ persuni, li jafu lin-Nutara Spiteri Debono u anki dawk li ħadmu mill-qrib magħha. Dan flimkien ma’ servizzi interessanti u kollegamenti diretti.