Xahar wara l-mewt taż-żagħżugħ Għawdxi Geordie Muscat, l-għarusa tiegħu flimkien ma’ sħabu ngħaqdu f’ġest nobbli propju fil-ġimgħa tal-festa ta’ Marija Bambina fix-Xagħra Għawdex.
Permezz ta’ karus aħmar b’ritratt taż-żagħżugħ fuqha u bil-kliem li tant kien iħobb jgħid “Cheers l-Aħwa”, il-poplu Xagħri u dawk preżenti ġabru sitt elef ewro għal Puttinu Cares.
Madwar €470 inġabru f’quddiesa li kienet b’tifkira għaż-żagħżugħ.
Kienet inizjattiva li wkoll intlaqgħet b’mod tajjeb minn ħafna, fosthom mit-tmexxija tal-istess Puttinu Cares.
Il-kaxxa il-ħamra se tibqa’ b’mod permanenti f’bar fil-Pjazza tax-Xagħra, biex b’hekk dawn il-flus li jinġabru jmorru għand għaqdiet differenti li jservu ta’ spalla għal dawk fil-bżonn.
Ara wkoll:
