Nhar il-Ħadd li ġej, 27 ta’ Mejju, se tkun qed titella’ fil-Ħamrun wirja tal-karozzi fejn matulha se jkunu qed jinġabru donazzjonijiet b’risq Puttinu Cares.
F’din il-wirja se jkun hemm karozzi ta’ kull għamla u tip, minn karozzi antiki, għal dawk Amerikani u saħanistra għall-trakkijiet kbar.
Il-wirja li se ssir fit-Triq il-Kbira l-Ħamrun u tibda fid-9.30am. Din l-attività hija organizzata mill-Kummissjoni Żgħażagħ Tamlin, fergħa fi ħdan l-Għaqda tal-Mużika San Gejtanu bil-kollaborazzjoni tal-Kunsill Lokali tal-Ħamrun.
Din hija t-tielet edizzjoni ta’ din l-attività li żgur se tiġbed lejha bosta dilettanti tal-karozzi filwaqt li qed isir għal kawża ġusta fejn id-donazzjonijiet miġbura se jgħinu fil-proġett tal-appartamenti li Puttinu Cares qed taħdem fuqu.
