L-erbgħa filgħaxija kompla l-loghob mir-rawnd preliminari tal-kampjonat tax-Xitwa tal-Waterpolo.
Minn Grupp A, Exiles kisbu t-tieni rebħa infila meta għelbu lil Valletta 9-7 biex jinsabu fl-ewwel post tal-klassifika.
Exiles rebħu l-ewwel tliet sessjonijiet rispettivament 2-0, 2-1, 4-2. Valletta rebħu l-aħħar sessjoni 4-1.
Minn Grupp B anke Sliema kisbu t-tieni rebħa meta min-naħa tagħhom għelbu lil Sirens 14-3 biex b’hekk huma wkoll jinsabu fl-ewwel post tal-klassifika rispettiva. Sliema rebħhu s-sessjonijiet kollha, rispettivament 4-0, 2-1, 5-0, 3-2.
Il-logħba minn Grupp A bejn Neptunes vs Otters ma ntlagħbietx hekk kif it-team għawdxi ma nizilx għal-logħob kawża ta’ bosta plejers li kienu ma jifilħux u għalhekk Neptunes ingħataw walk over ta’ 5-0.
Il-Kampjonat tax-Xitwa ikompli l-Ġimgħa filgħaxija b’zewġ logħbiet minn Grupp A
Valletta v Otters 6.30pm
Neptunes v Birżebbuġa 7.35pm
