Matthew Żammit ħabbar uffiċjalment li dik tal-lum kontra l-Ġermanja kienet l-aħħar logħba tiegħu mat-team nazzjonali malti hekk kif se jirtira mix-xena internazzjonali. F’kitba fuq il-paġna tiegħu fuq facebook, Żammit ikkonferma rapporti ta’ dawn l-aħħar ġimgħat dwar it-tmiem tal-karriera tiegħu man-nazzjonal.
Matthew Żammit, magħruf bħala ‘x-xellugi’ se jkun qed itemm karriera ta’ 16-il sena mat-team nazzjonali malti.
Fil-kitba fuq facebook huwa rringrazzja lill-plejers sħabu, flimkien mal-kowċies u l-persuni kollha fl-istaff tekniku li ħadem magħhom tul is-snin. Ringrazzjament speċjali lill-kowċ nazzjonali Karl Izzo talli dejjem emmen fih.
Temm il-messaġġ tiegħu billi qal li t-team nazzjonali attwali huwa team tajjeb ħafna u li dan huwa l-bidu ta’ aktar suċċessi fil-futur.
