Jerome Gabarretta ta’ Sliema ASC huwa l-BOV Plejer tax-xahar tal-Water Polo għal Ġunju 2019.
L-attakkant ta’ 29 sena iddistingwa ruħu matul l-4 logħbiet ta’ Sliema matul ix-xahar ta’ Ġunju b’mhux inqas minn 12-il gowl. L-attakkant istintiv huwa prodott tal-akkademja ta’ Sliema, huwa miċidjali quddiem il-lasta avversarja u għandu viżjoni wiesa’ tal-logħba li tippermettilu jsib l-aqwa pożizzjoni biex isib il-gowl.
Peter Perotti, Uffiċjal Kap tal-Bank of Valletta ppreżenta plakka kommemorattiva lil Gabarretta, it-tieni premju individwali tiegħu matul il-karriera tiegħu.
