Il-goalkeeper ta’ San Ġiljan Jake Tanti rebaħ l-unur tal-plejer tas-sena tal-ASA tal-Kampjonat Premier 2022.
L-għażla saret f’votazzjoni sigrieta li saret bejn il-membri tal-kunsill, osservaturi u anke membri tal-media lokali li jsegwu l-kompetizzjonijiet tal-Waterpolo.
Għal Tanti dan l-istaġun kien wieħed pożittiv hekk kif għen lit-team ta’ San Ġiljan fir-rebħ tal-unuri prinċipali u anke kien pedina importanti fit-team nazzjonali malti li spiċċa l-Kampjonat Ewropew LEN fl-14-il post minn 16-il pajjiż.
Il-plejer ta’ Sliema Dino Zammit spiċċa fit-tieni post.
Il-plejer ta’ Marsaskala Jake Ciantar rebaħ l-unur tal-aqwa plejer tal-Kampjonat tal-Ewwel Diviżjoni, segwiet minn plejer ieħor ta’ Marsaskala David Pace Lupi.
Min-naħa tagħha Kaia Agius ta’ Sirens kienet ivvutata bħala l-aqwa plejer tal-Kampjonat tan-Nisa, segwieta minn Franceca Paolella ta’ Sliema.
L-ASA ħabbret li l-preżentazzjoni uffiċjali ta’ dawn l-unuri se ssir f’data li titħabbar aktar ‘il quddiem.
