Bejn għada u l-Ħadd li ġej, it-team nazzjonali malti tal-waterpolo se jkun fl-azzjoni fis-semifinali tal-Kampjonat tad-Dinja Diviżjoni B.
Il-logħob se jsir f’Berlin il-Ġermanja.
REKLAM
SKROLLJA BIEX TKOMPLI
It-team malti irnexxielu javvanza għal dawn is-semifinali hekk kif f’Marzu li għadda kiseb il-kwalifikazzjoni fl-ewwel round li kien sar ir-Rumanija.
Fis-semifinali ta’ tmiem din il-ġimgħa Malta ħa tkun qed tilgħab fi Grupp A kontra l-Ġermanja, ċ-Ċina u l-Afrika t’Isfel.
Fi Grupp B hemm ir-Rumanija, New Zealand, Kazakhstan u Iran.
Ir-rebbieħ ta’ kull grupp javvanza għall-finali.
Il-finali tal-Kampjonat tad-Dinja se jsiru f’Los Angeles l-Istati Uniti bejn it-30 ta’ Ġunju u t-2 ta’ Lulju.
Photo Credit: Abby Bonello
