Kollox huwa lest biex nhar it-Tnejn 30 ta’ Settembru, 2019 tibda l–avventura l-ġdida ta’ HazZzard fit-21:00, fuq ONE.
Għad-disgħa sensiela, HazZzard għażel destinazzjoni li mhijiex waħda popolari mal-Maltin u ftit Maltin jafu dwarha, imma nassigurawkom li hija destinazzjoni mill-isbaħ li ser toffri lit-tmien parteċipanti esperjenzi uniċi, avventuri estremi u sfidi kbar.
Din is-sena, HazZzard għazel destinazzjoni imżewwqa bil-muntanji, pajsaġġi mill-isbaħ, natura, lagi u xmajjar u mergħat kbar tal-ħaxix. Xenarji tal-istampi.
Ta’ kull sena, bħal kif isir fl-għażla tad-destinazzjoni, it-tim tal-produzzjoni jaħdem qatiegħ ukoll fuq l-għażla tal-parteċipanti. L-għan ewlieni hu, li iżewwaq l-parteċipanti u jintaghżlu nies minn kull stil ta’ ħajja, b’ karattri differenti u b’ ideat differenti. Din is-sena HazZzard ghazel 8 parteċipanti, 5 irġiel u 3 nisa, kollha ta’ etajiet differenti.
Din is-sena, l-parteċipanti ser jesperjenzaw il-klima li joffru l-erbgħa staġuni, minn estrem ghall-iehor, mis-sħana qawwija tad-deżert, għall-kesha xxoqq il-għadam fil-qalba tal-muntanji.
Il-periklu u l-isfidi għall-partecipanti ma’ jonqsux, filwaqt li din is-sena ser isibu diffikultajiet kbar minħabba l-lingwa, sabiex jikkomunikaw man-nies tal-lokal. Sfida personali li jaffaċċjaw il-parteċipanti hija, li fl-ebda ħin waqt il-ġbid tal-avventura barra minn Malta, ma’ jkollhom kuntatt mal-familjari tagħhom f’ Malta.
Fl-ewwel programm, il-parteċipanti ser jiltaqgħu flimkien u isiru jafu lil xulxin għall-ewwel darba. Iridu jiskopru d-destinazzjoni u wara jibdew vjaġġ twil lejn id-destinazzjoni, fejn jibdew l-aktar avventura diffiċli li HazZzard qatt sfida lil parteċipanti tul l-edizzjonijiet kollha.
Trid tkun wiehed mill-parteċipanti tal-għaxar sensiela ta’ HazZzard 2020?
Biex tapplika trid sempliċiment tidħol fil-paġna ta’ HazZzard fuq facebook u tħalli messaġġ privat. It-tim tal-produzzjoni jibgħatlek il-formula tal-applikazzjoni. L-applikant imbagħad jintalab biex jattendi għall-intervista, biċ-ċans li jintagħżel għall-programm. Biex persuna tapplika jrid ikollha 18-il sena.
